تكَفينّ يادكَتُوره أنـْـهـي الشرحَ
تَعبتّ ويـــــــآآكـَ وأَنــآ أقلبَ عَيوِنــــي
العَقل نـآيم وـآلْقلبَ صـآيَبهّ جرحَ
جَرح كَيديِ كَيفَ منــيِ جَرحَنــــــيِ
v
v
v
هذا البيت من القصيد من تأليفي :)
طبعا بقولكم وش لون كتبتها ومتى ...؟؟
اليوم قايمه وانا مالي خلق للمحاضرات مو المساله نوم لا والله بس مالي خلق ادرس<< بدت حركات الدجه
بس تعوذت من ابليس ورحت حضرت المحاضره الاولى ومشيت حالي فيها
يوم جت الثانيه طلعت ماحضرت لأن صديقتي تعبانه
والله مسكينه طول اليوم تعبانه هي بس تحاول انها تغير لنفسها جو
وعاد انا فيني ضيقه اوب طبيعيه مدري من ايش بالتحديد
المهم مرت الثانيه وقلت بنحضر الرابعه وحضرناها لأنها ساعتين
عاااد انا بالعاده قدام اقعد بس هالمره قلت برجع ورا وبحط راسي وانااااااااام
احس جسمي مخدرررر ومالي خلق اسمع وافهم
المهم دخلت دكتورتنا المصريه وبدت تشرح وتهاوش ومدري ويش
وانا زلبت فيها وحطيت راسي ع الطاوله بس ماقدرت انام
قعدت تشرح ووقفت المحاضره وصارت تنادي ياللي هناك يابنت قومي لاتنامي ومن هالكلام
بس اختكم في الله مطنشتهااااااااااااااا يقالي ناييييييييييمه
وعصبت ومدري وش تهذر وتقول
وقامت بنت وقالت لو سمحتي الدكتوره تقول قومي
يوم رفعت راسي << يقالي توها قايمه خخخخ ابوك يالتمثيليه
ماحبيت اني انتبه لها فقلت خليني احط يدي ع راسي يقالي تعباانه مرا << وتستمر المسرحيه خخخخخخوبعد ماخلصت المحاضره قالت صديقتي : نوره
: نعم وش تبين ؟<< ابوك يالاخلاق الزفت
: ههههههههه عليك شكل وانتي مطنشتهاااا لدرجة انها قالت اطلعي << انصدمت
: متى قالت كذا ماسمعتهااا
: اجل وش تسمعين انتي ؟؟طول الوقت تصارخ عليك وفي النهايه ماسمعتيها ..؟؟
: لا والله مدري وش تقول ..
: اجل اسمعي وش تقول (( حركات الثانوي بطلوها يابنات واللي مو عاقبته المحاطره يئـوم ويطلع ...وانتي يابت قومي واطلعي لو انتي تعبانه وماتجلسيش هينا وتحوطي راسك وتنامي ....)) وقالت اشياء نستها صديقتي لأن صراخها غطت كل أبو شي خخخ )) ,,,<< كل أبو هذا ماسمعته << ماتنلامين مسكره اذانك وش بتسمعين خخخخ
وبث ثلامتكم
وحده من صديقاتي سألتني سؤال وقالت:
نوره وش تبين من حركتك هذي ؟؟
هع هع وربي ماادري بس اللي اعرفه انو مالي خلق اسمع شي << ماشاءالله شاطره.
